Ondarea
Bilbotik 25 bat kilometrora dago Plentzia, kostaldean eta itsasoari begira. Gorlizekin badia eder bat partekatzen du eta udalerri atsegina da zinez. Itsasadarra eta hondartza dira udalerriaren bi elementu nagusiak.
1299an sortutako hiribilduak ondare historikoaren parte bat mantentzen du oraindik. Alde zaharra Erdi Arokoa da, bitxia oso. Arrantzale giroko herri-arkitektura eraikin dotore eta jauregiekin ezin hobeago nahasten ditu. Merezi du bere kale estuetan barrena ibiltzea eta XVI. mendeko dorre ikusgarri bat ageri duen Santa Maria Magdalena eliza ikustea. Harlanduz egindako antzinako udaletxea, berriz, Butroiko Plazentia Museoaren egoitza da egun. Bertan herri honen historia ulertzen laguntzen duen zenbait elementu ikus daitezke.
Beste hiribildu asko bezala, antzina harresiz inguratuta zegoen Plentzia. Egun, ordea, harresi horren aztarna bakarra mantentzen da zutik: Santiago Arkua. Nabarmena da ere Torrebarri, Butroe familiaren dorretxea, aurreko horman harriz landutako armarri bat duena.
Itsasadarra eta hondartza
Alde zahar historikoan barrena ibili ondoren, txalupaz betetako itsasadarraren alboko pasealekutik hondartzaraino joango gara. Itsasoa bare egon ohi da udaran jende asko hartzen duen hareatza eder honetan. Bestalde ur kirolak (piraguismoa, SUPa eta windsurfa, besteak beste) egiteko leku aparta da. Nahi izanez gero hondartza inguratzen duen itsas-pasealekutik Gorlizera iritsi gaitezke oinez.
Animatuentzat, jai ugari ospatzen ditu Plentziak, San Antolinak ospetsuenak direlarik. Irailaren hasieran ospatzen dituzte eta egitarau zabala antolatzen dute egun horietarako.
Plentziako udalerrira egiten den edozein bisitak bere alde zaharreko kale estuak zeharkatzea eskatzen du ezinbestean; izan ere, azken mendean udalerriak izan dituen aldaketa sakonen arren, oraindik ere leku historikoen berezko xarma mantentzen du.
1991 eta 1992 urteen artean zubi zaharra ordezkatzeko eraikitako pasabidea; zubi zaharraren zimenduak kolpatuta geratu baitziren, 1983ko abuztuan izandako uholdearen eraginez.
1888an sortu zen familia farmazia, gaur egun farmazia izateaz gain museo dena. Barruan erakusketa bat dago botika, laborategi zaharra eta errebotika zaharraren jatorrizko espazioak hartzen dituena.
Itsasadarrerako sarbidea duen aisialdi gunea, bertatik kayak edo SUP egin ahal izateko.
Isuskiza, Plentziako abanikoa bezala ere ezaguna, udalerriko ezkutuko txokoetako bat da.
Interesatuko zaizu...
Plentziako udalerrira egiten den edozein bisitak bere alde zaharreko kale estuak zeharkatzea eskatzen du ezinbestean; izan ere, azken mendean udalerriak izan dituen aldaketa sakonen arren, oraindik ere leku historikoen berezko xarma mantentzen du.
Plentziako sorrera XIII. mendearen hasierakoa da, Lope Díaz II de Haro bizkaitar jaunak Gorlizko elizateko itsas mugartea mugarritu zuenean, balea-arrantzari eskainitakoa.
