Jarduerak
Surfa, kayaka, SUPa, museoak, itsasontzi irteerak, enologia… Plentzia gustu guztietara egokitzen da bertako enpresek eskaintzen duten jardueren eskaintza zabalaren bitartez. Aukeratu zurea eta gozatu!
Kultura
Urtean zehar, Plentziak hainbat ekitaldi eta jarduera kultural eskeintzen ditu udalerriko kokapenik esanguratsuenetan. Horrez gain, interes handiko bi museo ere baditu, hiribilduaren historian eta tradizioan murgiltzera gonbidatzen gaituztenak.
1988. urtean, Plasentia de Butrón fundazioak museoa ireki zuen 1562an udaletxea izandako dorretxean. Museoaren helburua, Plentzia zein eskualdeko historiari lotuta dauden elementuak berreskuratu eta erakustea da.
1888an sortu zen familia farmazia, gaur egun farmazia izateaz gain museo dena. Barruan erakusketa bat dago botika, laborategi zaharra eta errebotika zaharraren jatorrizko espazioak hartzen dituena.
Enoturismoa
Uribe txakolindegi tradizioko eskualdea da, eta mahastien azalera eta upeltegien kopurua Bizkaiko batez bestekoa baino handiagoa da. Baina Plentzian aurkituko duzun upeltegia paregabea da.
Crusoe Treasure urpeko arrezife artifizialeko munduko lehen upeltegia da, urpeko ardoaren ikerketan urte asko daramatzana.
Abentura
Badiaren orientazioari esker, hondartzak ez du ia korronterik, horregatik Euskal Herriko seguruenetakoa eta ederrenetakoa da. Bestalde, itsasadarraren bokalean sortzen den olatu txikia ezin hobea da surfean hasteko. Plentziak itsasadarrerako hainbat sarbide ditu. Bertan abentura desberdinak bizi ahal izango dituzu zeure kabuz, edo, nahiago baduzu, lekua primeran ezagutzen duten hainbat adituen eskutik.
Aukeratu zure abentura:
Ezagutu Plentziako badia eta itsasadarra itsasontziz! Bizkaiko Flyschean barrena murgildu uretan zeharko bisita gidatu baten bidez edo itsasontzi bat alokatu erlaxatu eta gozatzeko.
Plentziako hondartza badiak babesten duen arren, olatu txiki bat sortzen da itsasadarraren bokalean.
Itsasadarra leku ezin hobea da kayaka praktikatzeko. Hainbat sarbide ditu, eta handik Isuskiza auzoraino igo edo hurrengo kairaino jarraitu ahal izango duzu.Bertatik Butroiko gaztelura iristeko aukera dago oinez, distantzia gutxira.
Itsasadarra leku ezin hobea da SUP (stand up paddle) praktikatzeko Hainbat sarbide ditu, eta handik Isuskiza auzoraino igo edo hurrengo kairaino jarraitu ahal izango duzu.Bertatik Butroiko gaztelura iristeko aukera dago oinez, distantzia gutxira.
Plentzia ibilbide desberdinen hasiera eta amaiera puntua da. Ibilbideak familiarekin, lagunekin edo bakarrik gozatzeko jarduera ezin hobeak dira. Jantzi trekking oinetakoak eta Uribe Kostako paisaia anitzak ezagutu itzazu!
Interesatuko zaizu...
Plentziak itsasoarekin duen lotura oso aspaldikoa da, bere sorrera baino zaharragoa, alegia. Itsasoak garrantzi asko izan du historian zehar, bere aurrerapen eta garapen ekonomikoak sustatuz.
